სიცილიის სანაპიროსთან იახტის ჩაძირვის შედეგად ერთი ადამიანი დაიღუპა, მაშველები ექვს ადამიანს ეძებენ, - ამის შესახებ ინფორმაციას სააგენტო Reuters-ი ავრცელებს.

Reuters-ის ცნობით, დაკარგულებს შორის ერთ-ერთი ბრიტანელი ბიზნესმენი, მაიკ ლინჩია. მაშველებმა ლინჩის მეუღლის, ანჯელა ბაკარესის გადარჩენა შეძლეს.

სულ, იახტის, Bayesian-ის ბორტზე, რომელიც შტორმის შედეგად ჩაიძირა, 12 სტუმარი და ეკიპაჟის 10 წევრი იმყოფებოდა, რომელთაგან იტალიის სანაპირო დაცვამ 15 გადაარჩინა.

მაშველებმა ერთი ადამიანის ცხედარი იპოვეს, ხოლო ექვსი ადამიანი ამ დრომდე დაკარგულად ითვლება.