დანიის საგარეო საქმეთა მინისტრის, ლარს ლოკე რასმუსენის განცხადებით, უკრაინას დანიური იარაღის რუსეთის ტერიტორიაზე გამოყენება შეუძლია.

„თავდაცვა შეიძლება აგრესორის ტერიტორიაზე შესვლას მოიცავდეს. თუ თქვენ ამის ფარგლებში თავდამსხმელის ინფრასტრუქტურას ან სამხედრო ობიექტებს შეუტევთ, მაშინ ეს ომის წესებს სრულად შეესაბამება“, - განაცხადა ლარს ლოკე რასმუსენმა.

რასმუსენმა აღნიშნა, რომ უკრაინის მიმართ დანიის მხარდაჭერა უცვლელი რჩება.

„არ შეგიძლიათ დააწესოთ საზღვარი, რომ იარაღის გამოყენება მხოლოდ უკრაინის ტერიტორიაზეა შესაძლებელი“, - აღნიშნა დანიის საგარეო საქმეთა მინისტრმა.

ამასთან, დანიის თავდაცვის სამინისტროს ცნობით, დანიის მთავრობამ და პარლამენტმა უკრაინისთვის იარაღის შესაძენად 115,8 მილიონი დოლარის გამოყოფის საკითხი განიხილეს.