გორის მუნიციპალიტეტის სოფელ ტყვიავში სპორტული მოედნის რეაბილიტაცია მიმდინარეობს.

გორის მერიის ცნობით, პროექტი მიხედვით მოედანზე მოეწყობა ხელოვნური საფარი, ფეხბურთის კარები, კალათბურთის ფარები, ღობე, ლითონის კარი, ხელოვნური საფარი.

პროექტი „სამოქალაქო ბიუჯეტი 2024“-ის ფარგლებში ხორციელდება.

„პროგრამის ფარგლებში მიმდინარე წელს მუნიციპალიტეტი შვიდ ადმინისტრაციულ ერთეულად დაიყო.

2024 წელს ადგილობრივ მოსახლეობასთან კონსულტაციების შედეგად 12 ინფრასტრუქტურული პროექტი დაიგეგმა.

ეს პროექტებია:

• ჩოგბურთის კორტების რეაბილიტაცია კომბინატის დასახლებაში
• დასასვენებელი სივრცე მოწყობა სკრაში
• კლუბის რეაბილიტაცია ხიდისთავში
• სკვერის მოწყობა ფხვენისში
• ფეხბურთის მოედნის მოწყობა ზემო ნიქოზში
• სკვერი ქიწნისის მეურნეობაში
• სპორტული მოედანი ტყვიავში
• სკვერი კარალეთში
• სკვერი გარეჯვარში
• სპორტული მოედნისა და ტრენაჟორების მოწყობა სვენეთში
• საჭიდაო მოედნის მოწყობა ზეღდულეთში
• სკვერისა და ტრენაჟორების მოწყობა მეჯვრისხევში

პროგრამა „სამოქალაქო ბიუჯეტის“ მიზანია მუნიციპალურ პროცესებში მოქალაქეთა ჩართულობის ზრდის ხელშეწყობა და ადგილობრივი ბიუჯეტის მათი ინტერესების გათვალისწინებით განაწილება“,- ნათქვამია ინფორმაციაში.