უკრაინის ხელისუფლების ქმედებები კურსკის ოლქში მეტყველებს, რომ უკრაინა პასუხისმგებლობიანი ქვეყანაა, - ამის შესახებ უკრაინის შინაგან საქმეთა მინისტრმა იგორ კლიმენკომ განაცხადა.

„ჩვენ არ მოგვიხდენია ამ ტერიტორიების ოკუპაცია. არ დაგვიმყარებია არანაირი ძალაუფლება, იქ მოქმედებს სამხედრო კომენდატურა და ის ხალხი, ვინც იქ დარჩა, ჰუმანიტარულ დახმარებას და მედიკამენტებს იღებს, რაც ჟენევის კონვენციებით არის გათვალისწინებული. ეს არ არის კეთილად წარმოჩენის სურვილი, ეს არის სახელმწიფოს პასუხისმგებლობის საკითხი და ჩვენ ვაჩვენებთ, რომ უკრაინა არის პასუხისმგებლობიანი სახელმწიფო, რომელიც იცავს მის მიერ ხელმოწერილ კონვენციებს“, - განმარტა უკრაინის შინაგან საქმეთა მინისტრმა.

მისი თქმით, სამხედრო კომენდატურა უზრუნველყოფს იმ რეგიონების სრულყოფილ ფუნქციონირებას, სადაც უკრაინის ჯარები თავდაცვით ოპერაციას ატარებენ. „იქ მყოფი ადამიანების 90%-ი 60 წელს გადაცილებულები არიან, არიან ონკოპაციენტები, შაქრიანი დიაბეტით დაავადებული ადამიანები, რომლებიც ვერ იღებენ მედიკამენტებს და ჩვენ არ გვაქვს უფლება, სიკვდილისთვის გავწიროთ ისინი“, - აღნიშნა იგორ კლიმენკომ.