უკრაინის უმაღლესმა რადამ სისხლის სამართლის საერთაშორისო სასამართლოს რომის სტატუტის რატიფიცირება მოახდინა, - ამის შესახებ ინფორმაციას უკრაინელი დეპუტატი, იაროსლავ ჟელეზნიაკი ავრცელებს.

იაროსლავ ჟელეზნიაკის ცნობით, რომის სტატუტის რატიფიცირებას მხარი 281-მა დეპუტატმა დაუჭირა.

უკრაინის მიერ სისხლის სამართლის საერთაშორისო სასამართლოს რომის სტატუტის დებულებების რატიფიცირება სისხლის სამართლის საერთაშორისო სასამართლოში უკრაინის სრულ გაწევრიანებას ნიშნავს.

შეგახსენებთ, უკრაინის პრეზიდენტმა, ვოლოდიმირ ზელენსკიმ უმაღლეს რადას სისხლის სამართლის საერთაშორისო სასამართლოს რომის სტატუტის რატიფიცირების შესახებ კანონპროექტების პაკეტი გასულ ხუთშაბათს წარუდგინა.