პარტია „მოქალაქეების“ თავმჯდომარის, ალეკო ელისაშვილის საგანგებო ბრიფინგიდან რამდენიმე წუთში, საჯარო რეესტრმა პარტია ,,მოქალაქეების“ რეგისტრაცია დაასრულა, - ამის შესახებ პარტია „მოქალაქეების“ მიერ გავრცელებულ ინფორმაციაშია ნათქვამი.

როგორც პარტიაში განმარტავენ, „მოქალაქეების“ თავმჯდომარე პროცესის დაუსაბუთებლად და უარგუმენტოდ გაჭიანურებაზე საუბრობდა.

„საგანგებო ბრიფინგიდან რამდენიმე წუთში, საჯარო რეესტრმა პარტია „მოქალაქეების“ რეგისტრაცია დაასრულა. ბრიფინგი იუსტიციის სახლთან, ,,მოქალაქეების“ თავმჯდომარედ ალეკო ელისაშვილის დარეგისტრირების მოთხოვნის, დაუსაბუთებლად და უარგუმენტოდ გაჭიანურებას ეხებოდა, რაც პარტიის ლიდერებს ეჭვის საფუძველს აძლევდა, რომ პროცესი პოლიტიზებულია და წინასაარჩევნოდ პარტიის დასუსტებას ისახავს მიზნად, რადგან პარტია თავმჯდომარის გარეშე დისფუნქციურად რჩებოდა.

დეპუტატის განცხადებით, ,,ქართულმა ოცნებამ“ ოპოზიციურ პარტიაზე რეპრესიების განხორციელება მას შემდეგ დაიწყო, რაც კოალიციამ ,,ძლიერ საქართველოსთან“ გაერთიანება დააანონსა“,- აღნიშნულია ინფორმაციაში.

ამასთან, პარტიის გენერალური მდივანი, ივანე ნორაკიძე აცხადებს, რომ რეგისტრაციის დასრულებას წინ უძღოდა ხანგრძლივი და გაჭიანურებული პროცესი

„ის რაც საჯარო რეესტრმა არ გააკეთა 1 თვის განმავლობაში, გააკეთა 15 წუთში ბრიფინგის შემდეგ“, - აცხადებს ნორაკიძე.