საჰაერო თავდაცვის ძალებმა რუსეთის ოლქებში 28 დრონი გაანადგურეს, - ამის შესახებ ინფორმაციას რუსეთის თავდაცვის სამინისტრო ავრცელებს.

„გასული ღამის განმავლობაში, კიევის რეჟიმმა რუსეთის ფედერაციის ტერიტორიაზე არსებულ ობიექტებზე უპილოტო საფრენი აპარატების გამოყენებით ტერორისტული თავდასხმა სცადა. მორიგე საჰაერო თავდაცვის სისტემებმა 28 დრონი გაანადგურეს“, - აღნიშნულია სამინისტროს მიერ გავრცელებულ ინფორმაციაში.

რუსეთის თავდაცვის უწყების ცნობით, 13 დრონი ვოლგოგრადის ოლქის ტერიტორიაზე ჩამოაგდეს, 7 როსტოვის ოლქის, 4 ბელგოროდის ოლქის თავზე, 2 ვორონეჟის, 1 ბრიანსკის ოლქისა და 1 კურსკის ოლქის ტერიტორიაზე გაანადგურეს.