„ლელოს“ ახალ ფორმირებას რომ შევხედოთ, ალბათ, ყველაზე კარგი შეფასება იქნება, რომ ეს არის პოლიტიკური, ამორალური ვაკჰანალია, - ამის შესახებ “ქართული ოცნების” დეპუტატმა, ნინო წილოსანმა ჟურნალისტებთან საუბრისას განაცხადა.

მისი შეფასებით, ის ადამიანები, რომლებსაც არ აერთიანებთ არანაირი საერთო აზრები და იდეები მხოლოდ და მხოლოდ ფულის მეშვეობით გაერთიანდნენ.

„ლელოს“ ახალ ფორმირებას რომ შევხედოთ, ალბათ, ყველაზე კარგი შეფასება იქნება, რომ ეს არის პოლიტიკური, ამორალური ვაკჰანალია. ის ადამიანები, რომლებსაც არ აერთიანებთ არანაირი საერთო აზრები და იდეები მხოლოდ და მხოლოდ ფულის მეშვეობით გაერთიანდნენ. მიზიდულობის ძალა მხოლოდ და მხოლოდ იმ ფულმა შექმნა, რომელიც “ლელოშია”. მათ ერთადერთი ინტერესი ამოძრავებდათ, რომ როგორღაც მოვიდნენ ხელისუფლებაში და ძალაუფლება ჩაიგდონ იმისთვის, რომ საქართველოს დაუნგრიონ ეკონომიკა. ამის ძალიან ნათელი მაგალითი გვაქვს ანაკლიის პროექტის სახით, რომელიც “ლელოს” ლიდერებმა ჩააგდეს. ასევე, ძალიან დიდი მაგალითი გვაქვს - როგორი ფორმით დანგრევას აპირებენ საქართველოს ეკონომიკისა. აპირებენ, რუსეთის დასანქცირებას და მასთან სავაჭრო ურთიერთობების გაწყვეტას, რაც იცით, რამდენად მნიშვნელოვან და დიდ როლს ასრულებს ჩვენს სავაჭრო ურთიერთობებში.

ყველა მათი მოთხოვნა, რომელიც ემსახურება და საბოლოოდ, გრძელვადიან ჭრილში მიიყვანს ქვეყნის დეგრადაციამდე, რა თქმა უნდა, ამ იდეით არიან ისინი გაერთიანებული.

რაც შეეხება ლევან ცუცქირიძის გაერთიანებას, ვფიქრობ, რომ ეს გაერთიანება პირდაპირ აფორმებს “ლელოს”, როგორც ნაცისტურ პარტიას, იმიტომ, რომ ლევან ცუცქირიძე არის “ნაცების” რუპორი. ის 2008 წლიდან იყო “ნაცების” “გამპრავებელი”. მან სააკაშვილს თავისი არჩევნები “გაუპრავა”. ის რჩებოდა ყოველთვის “ნაცების” მსახურად. ახლაც გააგრძელებს “ლელოს” ფარგლებში, რომ ნაცისტურ იდეებს ემსახუროს და “ლელო” უკვე დეკლარირებულად, ლევან ცუცქირიძის ოფიციალურად შემოერთებით გაფორმდა, როგორც “ნაცური” პარტია”, - განაცხადა ნინო წილოსანმა.