უკრაინის საჰაერო თავდაცვამ 23 აგვისტოს ღამეს რუსების მიერ უკრაინის წინააღმდეგ გაშვებული Shahed-ის 16 დრონიდან 14 ჩამოაგდო, - ინფორმაციას უკრაინული მედია საჰაერო ძალების მეთაურზე, ნიკოლაი ოლეშჩუკზე დაყრდნობით ავრცელებს.

„მტერმა უკრაინას ვორონეჟის ოლქიდან „ისკანდერ-მ/კნ-23“ ტიპის ორი ბალისტიკური რაკეტით და კურსკის ოლქიდან Shahed-ის ტიპის 16 დრონით შეუტია“, - აღნიშნა ოლეშჩუკმა.

მისი თქმით, დრონები ჩერკასის, კიროვოგრადის, პოლტავასა და სუმის ოლქებში გაანადგურეს.