ისრაელმა დღეს დილით “ჰეზბოლას” ათასობით რაკეტა გაანადგურა, - ამის შესახებ ისრაელის პრემიერ-მინისტრმა ბენიამინ ნეთანიაჰუმ თელ-ავივში, ეროვნული უსაფრთხოების კაბინეტის საგანგებო სხდომის დაწყებისას განაცხადა.

”ამ დილით ჩვენ აღმოვაჩინეთ "ჰეზბოლას" მზადება ისრაელზე თავდასხმისთვის. თავდაცვის მინისტრთან და ისრაელის თავდაცვის ძალების შტაბის უფროსთან კონსულტაციით, დავავალეთ ისრაელის თავდაცვის ძალებს, პროაქტიურად ემოქმედა საფრთხის აღმოსაფხვრელად. მათ გაანადგურეს ათასობით რაკეტა, რომელიც მიმართული იყო ქვეყნის ჩრდილოეთისკენ; ის ასევე ხელს უშლის ბევრ სხვა საფრთხეს და მოქმედებს დიდი ძალით - როგორც თავდაცვის, ასევე შეტევის კუთხით“, - აღნიშნა ნეთანიაჰუმ.

მისი თქმით, ყველაფერს გააკეთებენ ქვეყნის დასაცავად და იმისთვის, რომ ჩრდილოეთ ნაწილის მოსახლეობა უსაფრთხოდ დააბრუნონ საკუთარ სახლებში.

„ვაგრძელებთ მარტივი წესის დაცვას: ვინც გვავნებს, ჩვენც ვავნებთ “, - აღნიშნა ნეთანიაჰუმ.

შეგახსენებთ, ისრაელის არმიამ განაცხადა, რომ განახორციელა წინასწარი საჰაერო იერიში „ჰეზბოლას“ სამიზნეებზე ლიბანში მას შემდეგ, რაც აღმოაჩინა მნიშვნელოვანი თავდასხმის განხორციელების გეგმები. თავდაცვის მინისტრმა, იოავ გალანტმა ქვეყანაში 48-საათიანი საგანგებო მდგომარეობა გამოაცხადა. დროებით შეჩერდა ავიარეისები თელ-ავივისა და ბენ გურიონის აეროპორტებში, თუმცა, მოგვიანებით აღდგა.