პოლიტიკურმა გაერთიანებამ „კოალიცია ცვლილებისთვის - გვარამია, მელია, “გირჩი“, „დროამ“ სიღნაღის ოფისი გახსნა.

ამის შესახებ ინფორმაციას გაერთიანების პრესსამსახური ავრცელებს.

ოფისის გახსნისას, ნიკა მელიამ აღნიშნა, რომ სიღნაღი უდიდესი ისტორიის მატარებელი ქალაქია, ევროპული ქალაქია, სადაც სექტემბრიდან სხვა მუხტი და შემართება იქნება, ოქტომბრის დასაწყისში კი შეიქმნება კლიმატი, სადაც საქართველოს მოქალაქეები ცვლილებების ენერგიას იგრძნობენ.

„2013 წლამდე ბევრ არჩევნებში მიმიღია მონაწილეობა, მეტ-ნაკლებად ვგრძნობდი შანსს, ახლა ეს სიტუაცია რადიკალურად არის შეცვლილი, გაცილებით ბევრნი ვართ, ვისაც ცვლილებები გვინდა. აქტიურ ნაწილზე არის პასუხისმგებლობა ცვლილებების რწმენა უფრო ბევრ ადამიანს გადასცეს. ეს არ არის არჩევანი „ვიღაცამ უნდა წააგოს, ვიღაცამ უნდა მოიგოს“. სიღნაღიც იარსებებს, კახური ღვინოც იქნება, შობაც დადგება, მარიამობაც დადგება, მაგრამ შეიძლება სახელმწიფო აღარ გვქონდეს. ეს გამოწვევა შემოგვთავაზა ივანიშვილმა. სიღნაღი უდიდესი ისტორიის მატარებელი ქალაქია, ევროპული ქალაქია, სადაც სექტემბრიდან სხვა მუხტი და შემართება იქნება, ოქტომბრის დასაწყისში შეიქმნება კლიმატი, სადაც საქართველოს მოქალაქეები დაიჯერებენ ცვლილებების გარდაუვალობას,“ - განაცხადა მელიამ.