ატომური ენერგიის საერთაშორისო სააგენტოს გენერალური დირექტორი კურსკის ოლქში ჩავიდა, - ამის შესახებ ინფორმაციას რუსეთის სახელმწიფო საინფორმაციო სააგენტო TASS-ი ავრცელებს.

ატომური ენერგიის საერთაშორისო სააგენტოს გენერალური დირექტორი, რაფაელ გროსი ქალაქ კურჩატოვში ჩავიდა, სადაც კურსკის ატომური ელექტროსადგური მდებარეობს.

ვიზიტის შესახებ ინფორმაცია გროსიმ გუშინ გაავრცელა და აღნიშნა, რომ კურსკის ატომური ელექტროსადგურის მახლობლად გაზრდილი სამხედრო აქტივობების ფონზე, სიტუაციას ყურადღებით აკვირდება.