რაჟდენ კუპრაშვილი - დავუკავშირდით ყველა პოლიტიკურ პარტიას, მოვიკვლიეთ და დადასტურდა, რომ ყველა პოლიტიკურ პარტიას „დემოკრატიის ფესტივალში“ მონაწილეობა არ შესთავაზეს
ჩვენ მოვიკვლიეთ, დავუკავშირდით ყველა პოლიტიკურ პარტიას და დადასტურდა, რომ ყველა პოლიტიკურ პარტიას არ შესთავაზეს ამ ფესტივალში მონაწილეობა, - ამის შესახებ ანტიკორუფციული ბიუროს უფროსმა, რაჟდენ კუპრაშვილმა ქვეყანაში მიმდინარე „დემოკრატიის ფესტივალთან“ დაკავშირებით განაცხადა.
მისივე შეფასებით, როგორი შინაარსითაც იყო პლატფორმა წარდგენილი, იმ შინაარსით არ წარმართულა.
„ქართულ ოცნებას“, რომ მიმართეს ეს ჩვენთვის გამოსავალი არ არის, ძალიან ბევრ სხვა პარტიას არ მიმართეს, ეს წარმოებაშიცაა მოცემული. პლატფორმა, რომელიც პოლიტიკური პარტიებისთვის იყო შემოთავაზებული, იმ შინაარსით არ წარმართულა. ყველა მტკიცებულება არის მოცემული. აქ მთავარია ის, რომ ყველა პარტიას მისცემოდა შესაძლებლობა მონაწილეობა მიეღოთ აღნიშნულ ფესტივალში. ჩვენ ამ პროცესს ვაკვირდებით“, - განაცხადა რაჟდენ კუპრაშვილმა.
