რუსეთის ფედერაციამ 26 სექტემბერს უკრაინის ქვესადგურებს კასეტური რაკეტებით შეუტია, მაგრამ თავდაცვის წყალობით, დანაკარგი ძალიან მცირე იყო, - ამის შესახებ უკრაინის პრემიერ-მინისტრმა, დენის შმიგალმა განაცხადა.

მისი თქმით, ეს იყო პირველი შემთხვევა, როცა რუსეთის ფედერაციამ, სარაკეტო თავდასხმის დროს, უკრაინის ქვესადგურების წინააღმდეგ კასეტური რაკეტები გამოიყენა.

„გუშინ, ათობით დარტყმიდან, ჩვენ დავკარგეთ ძალიან მცირე რაოდენობით აღჭურვილობა დაცვის პირველი და მეორე დონის წყალობით,“ - აღნიშნა პრემიერმა.

შეგახსენებთ, გუშინ უკრაინაზე რუსეთის თავდასხმის ერთ-ერთი სამიზნე კიევის ჰიდროელექტროსადგური იყო.