გორის მუნიციპალიტეტის სოფელ კარალეთში, სკოლის მიმდებარე ტერიტორიაზე, დასასვენებელი სივრცის მოწყობის სამუშაოები მიმდინარეობს. ამის შესახებ ინფორმაციას გორის მუნიციპალიტეტის მერია ავრცელებს.

მათი ცნობით, აღნიშნული პროექტი „სამოქალაქო ბიუჯეტი 2024“ - ის ფარგლებში ხორციელდება.

„პროექტის მიხედვით მოეწყობა საბავშვო სივრცე, ბილიკები ბეტონის დეკორატიული ფილებით, კაუჩუკის მოედანი, მოაჯირები, საპარკე ავეჯი, ატრაქციონები, გამწვანება, განათება, სარწყავი სისტემა, საპარკე ავეჯი და ღობე.

სამუშაოები „სამოქალაქო ბიუჯეტი 2024“-ის ფარგლებში ხორციელდება.

პროგრამა „სამოქალაქო ბიუჯეტის“ მიზანია, მუნიციპალურ პროცესებში მოქალაქეთა ჩართულობის ზრდის ხელშეწყობა და ადგილობრივი ბიუჯეტის მათი ინტერესების გათვალისწინებით განაწილება,“- ნათქვამია ინფორმაციაში.