დმიტრო კულება პოლონეთსა და ბელგიას ეწვევა
დმიტრო კულება პოლონეთსა და ბელგიას ეწვევა, - ამის შესახებ ინფორმაციას უკრაინის საგარეო საქმეთა სამინისტროს პრესსამსახური ავრცელებს.
უკრაინის საგარეო საქმეთა სამინისტროს პრესსამსახურის ცნობით, დღეს, დმიტრო კულება პოლონელ კოლეგასთან, რადოსლავ სიკორსკისთან მოლაპარაკებებს გამართავს.
მოგვიანებით, უკრაინის საგარეო საქმეთა მინისტრი ბრიუსელში გაემგზავრება, სადაც ხვალ, ევროკავშირის საგარეო საქმეთა მინისტრების არაფორმალურ შეხვედრაში მონაწილეობას მიიღებს.
“განხილვის თემები ევროკავშირისა და წევრი ქვეყნების მხრიდან უკრაინის სამხედრო მხარდაჭერისა და საჰაერო თავდაცვის შესაძლებლობების გაძლიერება, უკრაინის ევროკავშირში გაწევრიანების შესახებ მოლაპარაკებების ხელშეწყობა და მეორე მშვიდობის სამიტამდე “მშვიდობის ფორმულის” ფართო გლობალური მხარდაჭერის მოზიდვა იქნება”, - ნათქვამია უკრაინის საგარეო საქმეთა სამინისტროს განცხადებაში.
