უკრაინის შეიარაღებულმა ძალებმა დღეს დილით ქალაქი შებეკინო დაბომბეს, რის შედეგადაც ერთი ადამიანი დაიღუპა, ორი დაიჭრა, - ამის შესახებ ბელგოროდის ოლქის გუბერნატორმა, ვიაჩესლავ გლადკოვმა განაცხადა.

„უკრაინის შეიარაღებულმა ძალებმა ქალაქი შებეკინო დაბომბეს. ერთი ადამიანი დაიღუპა. წინასწარი ინფორმაციით, დაჭრილია ერთი მამაკაცი და ერთი ქალი“, - აღნიშნა გლადკოვმა.

მისი თქმით, ჭურვებმა ადმინისტრაციული შენობა და სოციალური დაწესებულება დააზიანა. ასევე ცეცხლი გაუჩნდა ავტომობილს. ხანძრის ჩასაქრობად სახანძრო ბრიგადები მუშაობენ.