ისრაელის საგარეო საქმეთა მინისტრი, ისრაელ კაცი საგარეო საქმეთა და უსაფრთხოების საკითხებში ევროკავშირის უმაღლეს წარმომადგენელს, ჯოზეფ ბორელს აკრიტიკებს და აცხადებს, რომ ბრალდება, თითქოს ის დასავლეთ სანაპიროდან მოქალაქეების იძულებით გადაადგილებას ემხრობა, აშკარა სიცრუეა.

საუბარია ისრაელ კაცის სოციალურ ქსელში გამოქვეყნებულ პოსტზე, რომელშიც ის დასავლეთ სანაპიროზე ისრაელის თავდაცვის ძალების მიმდინარე კონტრტერორისტული ოპერაციის შესახებ საუბრობს და აცხადებს, რომ ეს არის ომი ყველა გაგებით და ისრაელი უნდა გაუმკლავდეს ტერორიზმის საფრთხეს ზუსტად ისე, როგორც ღაზაში ტერორისტულ ინფრასტრუქტურას უმკლავდება, პალესტინელი მშვიდობიანი მოსახლეობის დროებითი ევაკუაციისა და ნებისმიერი სხვა საჭიროა ნაბიჯის ჩათვლით.

ჯოზეფ ბორელმა დღეს ბრიუსელში, ევროკავშირის საგარეო საქმეთა მინისტრების არაფორმალური შეხვედრის დაწყებამდე განაცხადა, რომ ისრაელის საგარეო საქმეთა მინისტრის მოწოდება დასავლეთ სანაპიროდან ხალხის იძულებით გადაადგილების თაობაზე შემაშფოთებელია და მეტ-ნაკლებად იგივეს გაკეთება, რაც ღაზაში ადამიანებს გაუკეთეს სრულიად მიუღებელია.

ისრაელ კაციმ ამ ბრალდებას აშკარა სიცრუე უწოდა და განაცხადა, რომ ადამიანებს საკუთარი სახლებიდან განსახლებას ეწინააღმდეგება.