საჰაერო თავდაცვის სისტემებმა ღამით ბრიანსკის, კალუგის, ბელგოროდის ოლქებსა და ყირიმში 18 დრონი ჩამოაგდეს, - ინფორმაციას რუსეთის თავდაცვის სამინისტრო ავრცელებს.

„წუხელ აღიკვეთა კიევის რეჟიმის მცდელობები, განეხორციელებინა ტერორისტული თავდასხმები თვითმფრინავის ტიპის უპილოტო საფრენი აპარატების გამოყენებით რუსეთის ფედერაციის ტერიტორიაზე მდებარე სამიზნეებზე. საჰაერო თავდაცვის სისტემებმა გაანადგურეს 18 უკრაინული უპილოტო საფრენი აპარატი“, - აცხადებენ რუსეთის თავდაცვის უწყებაში.

მათივე ინფორმაციით, 11 უპილოტო საფრენი აპარატი ჩამოაგდეს ბრიანსკის ოლქის ტერიტორიაზე, 4 - კალუგის ოლქის თავზე, ერთი ბელგოროდის ოლქის თავზე და 2 უპილოტო საფრენი აპარატი დროებით ოკუპირებულ ყირიმში ჩამოაგდეს.