ისრაელის თავდაცვის ძალების ცნობით, ღაზას სექტორის სამხრეთ ნაწილში სამკვირიანი ოპერაცია დაასრულეს, რომლის დროსაც ექვსი გვირაბი გაანადგურეს, 250-ზე მეტი შეიარაღებული ადამიანის ლიკვიდაცია განახორციელეს და 6 მძევლის ცხედარი აღმოაჩინეს.

აღნიშნული ოპერაცია ისრაელელმა სამხედროებმა ხან-იუნისსა და დეირ ალ-ბალაჰის გარეუბნებში აგვისტოს დასაწყისში დაიწყეს და ექვსი გვირაბი - საერთო ჯამში, დაახლოებით, ექვსკილომეტრიანი მიწისქვეშა გადასასვლელი - გაანადგურეს. ზოგიერთ გვირაბში შეიარაღებული პირების ლიკვიდაცია განახორციელეს და იარაღი აღმოაჩინეს.

ამასთან, ხან-იუნისში, ჰამად თაუნის საცხოვრებელ კომპლექსში, ისრაელელმა ჯარისკაცებმა ექვსი მძევლის ცხედარს მიაკვლიეს.