ეს არ არის პირველი შემთხვევა, როცა კერპთაყვანისმცემელი ბიძინა ივანიშვილი მართლმადიდებლობის საარჩევნო პროპაგანდად გამოყენებას ცდილობს - ხედავენ, რა დგას მისი „ტრიუკების“ უკან,- ამის შესახებ „ერთიანობა - ნაციონალური მოძრაობის“ ლიდერი თინა ბოკუჩავამ განაცხადა.

მისი შეფასებით, „ქართული ოცნების“ საპატიო თავმჯდომარე ბიძინა ივანიშვილი სარწმუნოების საარჩევნო პროპაგანდად გამოყენებას ცდილობს.

„ჩემთვის მნიშვნელოვანია თვითონ ქართული მართლმადიდებლური ეკლესიის პოზიცია. რა პოზიციაც მოვისმინეთ, ეს არის უარი ხელისუფლების შემოთავაზებაზე, რაც მორიგი დასტურია, რომ ივანიშვილი სათავისოდ გამოყენებას ცდილობს, ისეთი ძვირფასი და სათუთი თემების, როგორიცაა: ჩვენი სარწმუნოება, ეკლესია მართლმადიდებლობა.

ეს არ არის პირველი შემთხვევა, როცა კერპთაყვანისმცემელი ბიძინა ივანიშვილი მართლმადიდებლობის საარჩევნო პროპაგანდად გამოყენებას ცდილობს, რაც შეურაცხმყოფელია, ქრისტიანებისთვის და ხედავენ რა დგას მისი „ტრიუკების“ უკან“,- განაცხადა თინა ბოკუჩავამ.

ცნობისთვის, მედიაში გავრცელდა ინფორმაცია, რომ ხელისუფლების მხრიდან მართლმადიდებლობის სახელმწიფო რელიგიად გამოცხადებასთან დაკავშირებით საქართველოს მართლმადიდებლურ ეკლესიასთან მოლაპარაკებები მიმდინარეობდეს.