პატარა გარეჯვარში ბავშვთა გასართობის სივრცის მოწყობა მიმდინარეობს. ამის შესახებ ინფორმაციას გორის მუნიციპალიტეტის მერია ავრცელებს.

მათი ცნობით, სამუშაოები„სამოქალაქო ბიუჯეტი 2024“ - ის ფარგლებში ხორციელდება.

„პროექტის მიხედვით კაუჩუკის მოედანი, ატრაქციონები და ბორდიურები მოეწყობა.

პროგრამა „სამოქალაქო ბიუჯეტის“ მიზანია მუნიციპალურ პროცესებში მოქალაქეთა ჩართულობის ზრდის ხელშეწყობა და ადგილობრივი ბიუჯეტის მათი ინტერესების გათვალისწინებით განაწილება,“- ნათქვამია ინფორმაციაში.