„ერთიანობა - ნაციონალური მოძრაობის“ ერთ-ერთი ლიდერის, არმაზ ახვლედიანის განცხადებით, „ქართული ოცნების“ დამფუძნებელმა, ბიძინა ივანიშვილმა საქართველოს კონსტიტუცია ჯიბის კონსტიტუციად გადააქცია.

მისივე თქმით, ახლა საკონსტიტუციოს მოსამართლეებს უნიკალური შანსი აქვთ, რომ ერთგულნი დარჩნენ საქართველოს კონსტიტუციის.

„ბიძინა ივანიშვილმა საქართველოს კონსტიტუცია ჯიბის კონსტიტუციად გადააქცია. ახლა საკონსტიტუციოს მოსამართლეებს უნიკალური შანსი აქვთ, რომ ერთგულნი დარჩნენ საქართველოს კონსტიტუციის, სამართლიანობის, ევროპული და ეროვნული არჩევანის და ბოლოს და ბოლოს საკუთარი სინდისის. ყველა შემთხვევაში იცოდნენ მოსამართლეებმაც და „რუსული კანონის“ ავტორებმაც, რომ ქართველმა ხალხმა გადაწყვიტა 26 ოქტომბერს დაასრულოს, ეს აღვირახსნილი უკანონობა, წერტილი დაუსვას იმას, რომ კონსტიტუცია იყოს ჯიბის კონსტიტუცია. ეს დასრულდება 26 ოქტომბერს ჩვენი ერთიანობით და დაიწყება ახალი ეროვნული, ევროპული განვითარება საქართველოსთვის, სადაც სიღატაკე იზოლაციონიზმის გამო აღარ იქნება“, - განაცხადა ახვლედიანმა.