თინა ბოკუჩავა - როგორც ყოველთვის, მაკკეინის სახელობის კონფერენციას „ქართული ოცნება“ ბოიკოტს უცხადებს, რაც კიდევ ერთი მანიშნებელია იმის, რომ ცდილობენ ქვეყანა მოაქციონ საერთაშორისო იზოლაციაში
„ერთიანობა-ნაციონალური მოძრაობის“ თავმჯდომარის, თინა ბოკუჩავას განცხადებით, „ქართული ოცნება“ ტრადიციულად არ მონაწილეობს სენატორ მაკკეინის კონფერენციაში, რაც კიდევ ერთი მანიშნებელია იმის, რომ ქვეყანას აქცევენ სრულ იზოლაციაში.
„სენატორი მაკკეინი იყო საქართველოს დიდი მეგობარი, სხვათა შორის პრეზიდენტი სააკაშვილის პერსონალური მეგობარი. მაკკეინის სახელობის კონფერენცია იქცა მნიშვნელოვან ტრადიციად საქართველოსთვის, მაგრამ მასში ტრადიციულად არ იღებს მონაწილეობას „ქართული ოცნება“ და ივანიშვილის პარტიის არცერთი წევრი. როგორც ყოველთვის ისინი ბოიკოტს უცხადებენ ამ კონფერენციას, რაც კიდევ ერთი მანიშნებელია იმის, რომ ცდილობენ ქვეყანა მოაქციონ საერთაშორისო იზოლაციაში, რაც ჩვენს ქვეყანას მოუტანს მხოლოდ გაჭირვებას, სიდუხჭირეს, რაზეც ჩვენ უნდა გავაკეთოთ არჩევანი 26 ოქტომბერს და ავირჩიოთ კეთილდღეობა ევროპაში, უარი ვუთხრათ სიღატაკეს იზოლაციაში, რაც მოიტანა ივანიშვილის ანტიდასავლურმა პოლიტიკამ”, - განაცხადა თინა ბოკუჩავამ.
