მძევლები სახლში უნდა დავაბრუნოთ და ღაზაში ტანჯვა დავასრულოთ, - ამის შესახებ აშშ-ის ვიცე-პრეზიდენტმა და აშშ-ის პრეზიდენტობის კანდიდატმა, კამალა ჰარისმა განაცხადა.

„ცეცხლის შეწყვეტისა და მძევლების გათავისუფლების შესახებ შეთანხმების დროა. მძევლები სახლში უნდა დავაბრუნოთ და ღაზაში ტანჯვა დავასრულოთ“, - წერს კამალა ჰარისი სოციალურ ქსელში.

კამალა ჰარისის ცნობით, აშშ-ის პრეზიდენტთან, ჯო ბაიდენთან ერთად მძევლების გათავისუფლების შესახებ მოლაპარაკებების აშშ-ის გუნდს შეხვდა.

„ჰერშ გოლდბერგ-პოლინის და კიდევ ხუთი მძევლის მკვლელობა „ჰამასის“ ტერორისტების მიერ ჩადენილი სასტიკი, ბარბაროსული აქტი იყო. როგორც პრეზიდენტმა, ჯო ბაიდენმა განაცხადა, „ჰამასის“ ლიდერები ამ დანაშაულებისთვის პასუხს აგებენ“, - აღნიშნა აშშ-ის პრეზიდენტობის კანდიდატმა.