პარლამენტის საშემოდგომო სესია გაიხსნა. ეს მეათე მოწვევის პარლამენტის ბოლო სესიაა, რომლის ფარგლებში პლენარული სხდომები მხოლოდ სექტემბრის თვეში გაიმართება.

პარლამენტი სექტემბერში, სხდომების შეწყვეტამდე “ამნისტიის შესახებ" პროექტის, ე.წ. ლგბტ პროპაგანდის წინააღმდეგ მომზადებული საკანონმდებლო პაკეტისა და “პენიტენციურ კოდექსში“ დაგეგმილი ცვლილებების მეორე-მესამე მოსმენით განხილვასა და დამტკიცებას გეგმავს.

ასევე, დაამტკიცებენ უზენაესი სასამართლოს ახალ მოსამართლეს, რა პოზიციაზეც იუსტიციის უმაღლესმა საბჭომ ნიკოლოზ მარსაგიშვილის კანდიდატურა წარადგინა.