კოლექტიური „ნაცმოძრაობა“ სხვადასხვა პარტიაში არის განფენილი, „ლუზერები“ არიან. ჩემი „ხაბე“ დამიჩაგრეს - „ხაბე“, ახია შენზე, მაგრამ ვაფრთხილებდი, გამოგიყენებენ და გადაგაგდებენ-მეთქი, – ამის შესახებ საპარლამენტო უმრავლესობის დეპუტატმა, ირაკლი ზარქუამ ჟურნალისტებთან ოპოზიციურ პარტიებზე საუბრისას განაცხადა.

ზარქუას თქმით, მათი მიდგომა სიძულვილის ენაა.

„კოლექტიური„ნაცმოძრაობა“ განფენილია სხვადასხვა პარტიაში. იმდენად „ლუზერები“ არიან, რომ ძმა ძმას არ უჭერს მხარს და სხვა პარტიაში გადაბარგდა – ერთი ძმა აკადემიურია, მეორე ჩახდილი. „ლუზერები“ არიან. გაგიგიათ, ძმა გყავდეს და სხვა პარტიაში იყოს? იციან რასაც წარმოადგენენ - გაკოტრებული და ნული არიან. მათი მიდგომაა სიძულვილის ენა და ვაშაძის მანჭვა-გრეხა. ათი ახალგაზრდა ჰყავს – ხუთს ხუთიანის ფორმას აცმევს, მეორე ხუთს გახდის და იძახის, “ახალგაზრდებოო”, სირცხვილია, კომედიაა.

ამ დონეზე არიან დაცემული - „ბოკუ-ჭიჭე“ ამათი სიმბოლოა. ჩემი „ხაბე“ დამიჩაგრეს. „ხაბე“, ახია შენზე, მაგრამ ვაფრთხილებდი, გამოგიყენებენ და გადაგაგდებენ-მეთქი“, – განაცხადა ირაკლი ზარქუამ.