შევხვდებით ისევ, როცა მშვიდობა და თავისუფლება საბოლოოდ დაბრუნდება უკრაინაში. თქვენ საკუთარ თავზე მაღლა აყენებთ თქვენი ქვეყნის ხალხს, - ასე ეხმაურება გერმანიის საგარეო საქმეთა სამინისტროს ხელმძღვანელი ანალენა ბარბოკი უკრაინის საგარეო საქმეთა მინისტრის, დმიტრო კულებას თანამდებობის დატოვებასთან დაკავშირებით გავრცელებულ ინფორმაციას.

„გრძელი საუბრები ღამის მატარებლებზე, „დიდ შვიდეულზე“, ფრონტზე, ბრიუსელში, დაბომბილი ელექტროსადგურის წინ, ცოტა ადამიანთან მიმუშავია ისე მჭიდროდ, როგორც თქვენთან, დმიტრო კულება”, - წერს გერმანიის საგარეო უწყების ხელმძღვანელი სოციალურ პლატფორმა X-ზე.

ანალენა ბერბოკი კულებას წარმატებას უსურვებს და არწმუნებს, რომ ისევ შეხვდებიან, როცა უკრაინაში მშვიდობა და თავისუფლება დაბრუნდება.

„შევხვდებით ისევ, როცა მშვიდობა და თავისუფლება საბოლოოდ დაბრუნდება უკრაინაში. თქვენ საკუთარ თავზე მაღლა აყენებთ თქვენი ქვეყნის ხალხს,” - წერს ბერბოკი.

შეგახსენებთ, დღეს ცნობილი გახდა, რომ უკრაინის საგარეო საქმეთა მინისტრმა, დმიტრო კულებამ ქვეყნის უმაღლეს რადას გადადგომის შესახებ განცხადებით მიმართა.