„ენერგო-პრო ჯორჯიას“ ინფორმაციით, ქსელის გეგმური სარეაბილიტაციო სამუშაოების გამო, 5 სექტემბერს, 11:00-დან 18:00 საათამდე, მცხეთის რაიონის სოფლებში - აღაიანი, ქსანი, მუხრანი და მიმდებარე სოფლებში აბონენტებს ელექტროენერგიის მიწოდება შეეზღუდებათ.

კომპანიის ცნობით, 11:00-დან 13:00 საათამდე, აბონენტებს დუშეთის რაიონის სოფლებში არაგვისპირი, ბიჩნიგაურები, ჟინვალი, ქვემო არანისი და მიმდებარე სოფლებშიც ელექტროენერგიის მიწოდება შეეზღუდებათ. ასევე, 11:00-დან 18:00 საათამდე აბონენტებს თბილისის მუნიციპალიტეტში სოფელ გლდანში, ავჭალაში და მიმდებარე ტერიტორიაზეც ელექტროენერგიის მიწოდება შეეზღუდებათ.

მათივე ცნობით, სამუშაოების დასრულების თანავე, ელექტროენერგიის მიწოდება ჩვეულ რეჟიმში აღდგება.