უკრაინის საგარეო საქმეთა მინისტრის თანამდებობას დმიტრო კულებას პირველი მოადგილე ადრეი სიბიგა დაიკავებს. ამის შესახებ ინფორმაციას უკრაინის მმართველი პარტია “ხალხის მსახურის” ფრაქციის ლიდერი, დავით არახამია ავრცელებს.

პარტია “ხალხის მსახურმა” 4 სექტემბერს სხდომა გამართა, რომელზეც საუბარი მთავრობის “გადატვირთვას” ეხებოდა.

სხდომის შედეგად, არახამიას ცნობით, საგარეო საქმეთა მინისტრის თანამდებობას დმიტრო კულებას პირველი მოადგილე, ანდრეი სიბიგა დაიკავებს.

იუსტიციის მინისტრის თანამდებობას კი, ვიცე-პრემიერი ოლგა სტეფანიშინა.

დროებით ოკუპირებული ტერიტორიების რეინტეგრაციის მინისტრი, ირინი ვერეშჩუკი პრეზიდენტის ოფისში გადავა, სადაც სოციალური პოლიტიკის კუთხით იმუშავებს, ხოლო თავად სამინისტრო, როგორც ცალკე ორგანო, გაუქმდება, ხოლო მისი ფუნქციონალი უკრაინის თემებისა და ტერიტორიების განვითარების სამინისტროში გადავა.

უკრაინის ახალგაზრდობისა და სპორტის მინისტრის თანამდებობას მატვეი ბედნი დაიკავებს, ხოლო კულტურისა და საინფორმაციო პოლიტიკის მინისტრი თანამდებობას - ნიკოლაი ტოჩიცკი.

არახამიამ მოგვიანებით დაადასტურა, რომ სხდომას უკრაინის პრეზიდენტი ვოლოდიმირ ზელენსკიც ესწრებოდა.