ნაცვლად იმისა, რომ მთელი დღის განმავლობაში იმით იყვნენ დაკავებულები, ხალხს როგორ დაეხმარონ, ვხედავთ - დაკავება, გატაცება, ძალადობა: ყველამ ნახა პირდაპირ ეთერში, როგორ სწვდა პოლიციელი ირაკლი ეძგვერაძეს კისერში. სამი საათის განმავლობაში ადვოკატმა არ იცის, სად არის გადაყვანილი დაკავებული პირი და სამი სააათის განმავლობაში რომ ამას არ ამბობენ, ეს არის გატაცება. ბიძინა ივანიშვილს სხვა ენა არც ესმის და არც აინტერესებს , - განაცხადა "ერთიანი ნაციონალური მოძრაობის" პოლიტსაბჭოს თავმჯდომარე ლევან ხაბეიშვილმა გლდანში, ენმ-ს თბილისის საკრებულოს წევრების ირაკლი ეძგვერაძისა და ირაკლი ნადირაძის დაკავებასთან დაკავშირებით.

"ნაცვლად იმისა, რომ მთელი დღის განმავლობაში იმით იყვნენ დაკავებულები, ხალხს როგორ დაეხმარონ, ამის ნაცვლად ვხედავთ, რას აკეთებენ: დაკავება, გატაცება, ძალადობა: ყველამ ნახა პირდაპირ ეთერში, როგორ სწვდა პოლიციელი ირაკლი ეძგვერაძეს კისერში. ირაკლი ნადირაძე, რომელიც ასევე დაკავებულია, სამგორის შტაბის უფროსია, ირაკლი ეძგვერაძე -გლდანის შტაბის უფროსი. უკაცრავად, მაგრამ ხელს გვიშლიან მუშაობაში, ხალხს არ უნდა ველაპარაკოთ. გადახედეთ, რას აკეთებს ერთი და რას აკეთებს მეორე - "ერთიანობა ნაციონალური მოძრაობა" აკეთებს იმას, რომ ხალხთან საუბრობს პრობლემებზე, ხოლო ქართული ოცნება მიმართავს შანტაჟს, დაკავებასა და ძალადობას, რადგან ბიძინა ივანიშვილს სხვა ენა არც ესმის და არც აინტერესებს. სამი საათის განმავლობაში ადვოკატმა არ იცის, სად არის გადაყვანილი დაკავებული პირი და სამი სააათის განმავლობაში რომ ამას არ ამბობენ, ეს არის გატაცება", - აცხადებს "ერთიანი ნაციონალური მოძრაობის" პოლიტსაბჭოს თავმჯდომარემ ლევან ხაბეიშვილი.

ირაკლი ეძგვერაძე და ირაკლი ნადირაძე პოლიციამ ადმინისტრაციული წესით, ეძგვერაძის სახლთან ახლოს დააკავა.

ირაკლი ნადირაძე ამ დროისთვის თავისუფალია, ის ხელწერილით გაათავისუფლეს.