რუსეთის ხელისუფლების ინფორმაციით, ნოვოროსიისკზე საზღვაო დრონებით შეტევა განხორციელდა

რუსეთის ქალაქ ნოვოროსიისკზე უეკიპაჟო კატარებით შეტევა განხორციელდა, - ამის შესახებ ქალაქის მერმა, ანდრეი კრავჩენკომ „ტელეგრამ“ არხზე დაწერა.

„მიმდინარეობს უეკიპაჟო კატარებით თავდასხმის მოგერიება“, - აღნიშნა მერმა.

მანამდე კრავჩენკომ განაცხადა, რომ ქალაქში საზღვაო დრონებით თავდასხმის საფრთხე გამოცხადდა და მოსახლეობას სიფრთხილის გამოჩენისკენ მოუწოდა.