ისრაელის უსაფრთხოების სააგენტო შინ ბეთმა გამოაქვეყნა მონაცემები, რომლის თანახმადაც, ლიბანიდან ისრაელის ტერიტორიისკენ აგვისტოში ყველაზე მეტი რაკეტა გაუშვეს, ვიდრე რომელიმე სხვა თვეში „ჰამასის“ გასული წლის 7 ოქტომბრის თავდასხმის შემდეგ.

The Times of Israel-ის ცნობით, შინ ბეთის მონაცემები აჩვენებს, რომ აგვისტოს განმავლობაში „ჩრდილოეთის ფრონტიდან“, რომელიც გულისხმობს ლიბანს და სირიას, ისრაელისკენ 1 307 რაკეტა გაისროლეს, ივლისში - 1 091, ივნისში - 855, მაისში - 1000, აპრილში - 744, მარტში - 746, თებერვალში - 534 და იანვარში - 334.

აღსანიშნავია, რომ რაკეტების უმეტესი ნაწილი ლიბანიდან გაისროლეს.

ამასთან, შინ ბეთის მონაცემებით, აგვისტოში ისრაელის მიმართულებით ღაზიდან მხოლოდ 116 რაკეტა გაისროლეს.