საფრანგეთის პრეზიდენტმა, ემანუელ მაკრონმა ქვეყნის ახალ პრემიერ-მინისტრად მიშელ ბარნიე დაასახელა, - ინფორმაციას ადგილობრივი მედია ავრცელებს.

ემანუელ მაკრონმა მიშელ ბარნიეს, რომელიც „ბრექსითის“ საკითხზე ევროკავშირის ყოფილი მთავარი მომლაპარაკებელია, მთავრობის ჩამოყალიბება დაავალა.

შეგახსენებთ, საფრანგეთში, ეროვნული ასამბლეის არჩევნების შემდეგ პოლიტიკური ჩიხი შეიქმნა. მემარცხენე პარტიების კოალიციამ, „ახალმა სახალხო ფრონტმა“ გაიმარჯვა, პრეზიდენტ ემანუელ მაკრონის კოალიცია მეორე ადგილზე გავიდა, ულტრამემარჯვენე „ეროვნული გაერთიანება“ კი - მესამეზე. ეროვნულ ასამბლეაში აბსოლუტური უმრავლესობისთვის საჭირო მანდატების რაოდენობა არცერთ პარტიულ ჯგუფს არ აქვს.