„თიბისის“ ცნობით, ბანკი მოქალაქეებს ბოლო ორი კვირის განმავლობაში, ლარში განხორციელებული ნებისმიერი ტრანზაქციის უკან დაბრუნების შესაძლებლობას აძლევს.

მათივე ცნობით, „თიბისი“ ტრანზაქციის (პოსტ ფაქტუმ) განაწილება მობაილბანკის ფუნქციონალია, რომლის დახმარებითაც მომხმარებელს აქვს უპრეცედენტო შესაძლებლობა განხორციელებული ტრანზაქცია უკან დაიბრუნოს, გადახდა კი 4 თვემდე გადაანაწილოს მხოლოდ თვიური 1% განაკვეთით (ეფექტური 23.4%-ით).

„მაგალითად, თუ მომხმარებელი 100 ლარს დაიბრუნებს, ყოველთვიურად 26-26 ლარის გადახდა მოუწევს.

აღნიშნული პროდუქტით სარგებლობა ძალიან მარტივია. ამისთვის საჭიროა, დაიმტკიცოთ განაწილების ლიმიტი მობაილბანკში, განხორციელებული ტრანზაქციებიდან შეარჩიოთ ლარში განხორციელებული ნებისმიერი ტრანზაქცია, რომლის დაბრუნებაც გსურთ და დააჭიროთ ღილაკს „ტრანზაქციის განაწილება“. წესების გაცნობისა და დათანხმების შემდეგ, თანხა ანგარიშზე დაგიბრუნდებათ და მის განაწილებას 4 თვემდე შეძლებთ. განაწილების გასაკეთებლად, მნიშვნელოვანია, რომ ტრანზაქციის გადახდიდან არ იყოს გასული 14 დღეზე მეტი.

ტრანზაქციის განაწილების ძირითადი პირობები:

განაწილება ხდება 4 თვემდე

განაწილების ლიმიტი არის 50-დან 5000 ლარამდე

1% არის თვიური საპროცენტო განაკვეთი

ეფექტური საპროცენტო განაკვეთი არის 23.4%-დან

არსებული ფუნქციონალით სარგებლობა „თიბისის“ ნებისმიერი მობაილბანკის მომხმარებლებისთვისაა ხელმისაწვდომი“, - აღნიშნულია ინფორმაციაში.