ჩინეთი და რუსეთი სექტემბერში იაპონიისა და ოხოტის ზღვებში ერთობლივ სამხედრო წვრთნებს „ჩრდილოეთი, ურთიერთქმედება - 2024“-ს ჩაატარებენ, - მედიის ინფორმაციით, ამის შესახებ ჩინეთის თავდაცვის სამინისტრომ განაცხადა.

„ჩინური და რუსული მხარეების წლიური გეგმისა და შეთანხმებების შესაბამისად, რუსეთის შეიარაღებული ძალები სექტემბერში გაგზავნის საზღვაო ძალებსა და საჰაერო ძალებს წვრთნებში: „ჩრდილოეთი, ურთიერთქმედება - 2024“ - მონაწილეობის მისაღებად, რომელიც იაპონიისა და ოხოტის საზღვაო წყლებსა და საჰაერო სივრცეში ჩატარდება",- აღნიშნულია ჩინეთის თავდაცვის სამინისტროს განცხადებაში.

უწყების განმარტებით, „ამ წვრთნების მიზანია ჩინეთისა და რუსეთის შეიარაღებულ ძალებს შორის სტრატეგიული თანამშრომლობის დონის გაღრმავება და უსაფრთხოების საფრთხეებზე ერთობლივი რეაგირების უნარის გაძლიერება“.