სამხრეთ ღაზაში, ქალაქ ხან-იუნისში, ალ-მავასის ტერიტორიაზე, იძულებით გადაადგილებული პალესტინელების კარვების ბანაკზე ისრაელის საჰაერო თავდასხმის შედეგად 65 ადამიანი დაიღუპა და დაჭრა, - Reuters-ის ინფორმაციით, ამის შესახებ ღაზას საგანგებო სიტუაციების სამოქალაქო სამსახურმა განაცხადა.

ადგილობრივები და მედიკოსები აცხადებენ, რომ ჰუმანიტარულ ზონაზე იერიში მინიმუმ 4 რაკეტით განხორციელდა. „ჰამასთან“ დაკავშირებულმა საინფორმაციო სააგენტო Shehab-მა გაავრცელა ინფორმაცია, რომ თავდასხმის შედეგად 40 პალესტინელი დაიღუპა.

ისრაელის თავდაცვის ძალების განცხადებით, მათი სამიზნე „ჰამასის“ სამეთაურო ცენტრი იყო.