უკრაინის საგარეო საქმეთა სამინისტრომ ირანის საქმეთა დროებითი რწმუნებული, შაჰრიარ ამოუზეგარი უწყებაში დაიბარა, რათა გაეფრთხილებინა, რომ თუ ცნობები ირანის მიერ რუსეთისთვის მცირე რადიუსის ბალისტიკური რაკეტები გადაცემის შესახებ სიმართლეს შეესაბამება, ამას ორ ქვეყანას შორის ურთიერთობებისთვის შედეგები მოჰყვება.

უკრაინის საგარეო საქმეთა სამინისტროს განცხადებაში აღნიშნულია, რომ ამოუზეგარი „დამანგრეველი და გამოუსწორებელი შედეგების“ შესახებ გააფრთხილეს.

ევროკავშირმა განაცხადა, რომ აქვს სანდო ინფორმაცია იმის შესახებ, რომ ირანი რუსეთს ბალისტიკური რაკეტებით ამარაგებს. ირანელმა მაღალჩინოსანმა უარყო ეს ინფორმაცია და "ფსიქოლოგიური ომი“ უწოდა.