კახა კალაძე - 2012 წლიდან ხელისუფლებაში ვართ, ერთი მაგალითი მომიყვანეთ, რომ საქართველოს ხელისუფლებამ ევროინტეგრაციის გზაზე არასწორი ნაბიჯი გადგა, თუ არსებობს ასეთი რამ, მითხარით

საქართველოს არც ერთგულება ეშლება, არც მეგობრობა, არც ურთიერთობები და არც პარტნიორობა, - ამის შესახებ თბილისის მერმა კახა კალაძემ ჟურნალისტებს განუცხადა.

კალაძის თქმით, სურვილი ჰქონდათ, რომ ხალხი და ხელისუფლება ერთმანეთთან დაეპირისპირებინათ, მაგრამ არ გამოუვიდათ.

„ეს მხოლოდ სიტყვებით არ შემოიფარგლება, კონკრეტული ნაბიჯები გადაიდგა, თუნდაც საერთაშორისო მისიებში ჩვენი ჯარისკაცების მონაწილეობის, თუნდაც იმ რეფორმებით, რომელიც ხორციელდება. 2012 წლიდან ხელისუფლებაში ვართ, ერთი მაგალითი მომიყვანეთ, რომ საქართველოს ხელისუფლებამ ევროინტეგრაციის გზაზე არასწორი ნაბიჯი გადგა, თუ არსებობს ასეთი რამ, მითხარით. თუ არსებობს ასეთი გადაწყვეტილება, გინდ საერთაშორისო პლატფორმებზე, გინდ იმ რეფორმების ფარგლებში, რომელსაც ხელისუფლება ახორციელებს?! გამჭვირვალობასთან დაკავშირებით არის მოგონილი თემა. მცდელობა ჰქონდათ და ახლაც აქვთ, რომ საქართველოს ხელისუფლება დააზიანონ. ასე იყო კანდიდატის სტატუსთან დაკავშირებით, როდესაც გვეუბნებოდნენ, რომ თურმე კანდიდატის სტატუსს არ ვიმსახურებთ და 2 თვეში გაირკვა, რომ ვიმსახურებთ. იმ 2 თვეში რა შეიცვალა? ეს იყო პოლიტიკური გადაწყვეტილება, ჩვენი ქვეყნის დასჯა ჰქონდათ განზრახული.

გახსოვთ, ხალხს ეუბნებოდნენ: თქვენ კარგი ხალხი ხართ, მაგრამ ხელისუფლება გყავთ ცუდიო. ანუ, სურვილი ჰქონდათ, რომ ხალხი და ხელისუფლება დაეპირისპირებინათ ერთმანეთთან, მაგრამ არ გამოუვიდათ. სიმართლე ჩვენს მხარეს არის. როდესაც თეთრზე გვეუბნებიან, შავიაო ჩვენ ვალდებულები ვართ, ჩვენი ქვეყანა, ჩვენი ხალხი დავიცვათ და თვალებში ნაცარი არავის შევაყრევინოთ“,-განაცხადა კალაძემ.

ბუნდესტაგის წევრი რობინ ვაგენერი - ჩვენ არ გვსურს საქართველოს მოსახლეობის დასჯა, თუმცა ცხადად ვაცხადებთ, რომ ამ კურსით არ იქნება ევროკავშირში გაწევრიანება
ქართული პრესის მიმოხილვა 10.10.2024
ვახტანგ ძაბირაძე - თუ  არჩევნების შემდეგ რუსეთს საქართველოში სიტუაციის არევა აწყობს, იგი ამის გაკეთებას შეეცდება, მას ამისთვის სამხედრო ძალის შემოყვანა არ დასჭირდება, აქ მეხუთე კოლონა საკმაოდ ძლიერი ჰყავს
„ბიბლუსში“ გიორგი კეკელიძის წიგნის „დედა და ილია“ საჯარო წარდგენა გაიმართება
Samsung-ის ფესტივალი დაიწყო - განაახლე ტექნიკა საუკეთესო შეთავაზებით
თიბისის გადახდების მართვის ციფრული სივრცე შენი ბიზნესისთვის, რომელიც დროს და რესურსებს დაგიზოგავს
„სილქ დეველოპმენტი“ ბათუმის შუაგულში ახალ პროექტს აანონსებს
„ბანკი ქართუს“ მიერ დაფინანსებული ახალი პროექტი - ბოლნისში თანამედროვე სტანდარტების საავადმყოფო გაიხსნა
კოლიერსის გუნდის შეფასება და ლოპოტა სპა რეზორტის  ახალი ეტაპი