2024 წლის 11 სექტემბერს ქარელის მუნიციპალიტეტის სოფელ ძლევიჯვარში ქართულ ჭიდაობაში შოთა ხაბარელის და ნიკოლოზ შერაზადიშვილის სახელობის ტურნირი გაიმართა.

ტურნირი ჩატარდა 4 წონით კატეგორიაში - 75 კგ, 85 კგ, 95 კგ და აბსოლუტური წონა. სხვა მონაწილეებთან ერთად, ტურნირში მონაწილეობას ღებულობდნენ ძიუდოში საქართველოს ნაკრების წევრები.

აბსოლუტურ წონაში ტურნირის გამარჯვებული გახდა გურამ თუშიშვილი.

ტურნირს ესწრებოდნენ პრემიერ-მინისტრი, მთავრობის წევრები და საპარლამენტო უმრავლესობის დეპუტატები.

ტურნირის დასრულების შემდეგ გაიმართა კონცერტი, რომელიც დასრულდა საზეიმო ფეირვერკით.

ღონისძიების ორგანიზატორი - სოფელ ძლევიჯვარის მკვიდრი, ბიზნესმენი - სლავა შერაზადიშვილი.

(R)