კრემლს ეჭვი არ ეპარება, რომ ვლადიმერ პუტინის განცხადებამ იმასთან დაკავშირებით, თუ რა შედეგები მოჰყვება რუსეთის ტერიტორიის სიღრმეში დასავლური იარაღით დარტყმებს, ადრესატამდე მიაღწია, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.

„განცხადება, რომელიც პუტინმა გუშინ გააკეთა, არის ძალიან მკაფიო, ცალსახა და ინტერპრეტაციის საშუალებას არ იძლევა“, - დასძინა კრემლის წარმომადგენელმა.

შეგახსენებთ, რუსეთის პრეზიდენტმა, ვლადიმერ პუტინმა განაცხადა, რომ ნატო-ს ქვეყნები განიხილავენ არა მხოლოდ კიევის მიერ დასავლური შორ მანძილზე მოქმედი რაკეტების გამოყენების შესაძლებლობას, არამედ წყვეტენ, ჩაერთონ თუ არა უშუალოდ უკრაინის კონფლიქტში.