დღეს, სუნიტი მუსლიმები წინასწარმეტყველ მუჰამედის დაბადების დღეს, „მავლიდ ან-ნაბის"აღნიშნავენ.

ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

„ტრადიციის მიხედვით, მუჰამედი დაიბადა 571 წელს მექაში. ამ დღეს მუსლიმები მადლობას უხდიან ალაჰს, სამყაროსთვის მუჰამედის მოვლინების გამო, კითხულობენ ქადაგებებს მისი ცხოვრების შესახებ, ამზადებენ სადღესასწაულო კერძებს, ეპატიჟებიან ნათესავებს და მეგობრებს. მიღებულია ბავშვების დასაჩუქრება და მოწყალების დარიგება ღარიბებისთვის.

რელიგიის საკითხთა სახელმწიფო სააგენტო ულოცავს სუნიტ მუსლიმებს ამ დღესასწაულს, სიკეთეს და საყოველთაო მშვიდობას უსურვებს მათ“, - ნათქვამია გავრცელებულ ინფორმაციაში.