„ქართული ოცნების“ ინფორმაციით, “ერთიანი ნაციონალური მოძრაობის" ზონის უფროსი დიმიტრი კვანტალიანი ქუთაისში, ავტოქარხნის დასახლებაში, მმართველი პარტიის შეხვედრის ჩაშლას ცდილობდა.

როგორც „ქართული ოცნების“ მიერ გავრცელებულ ინფორმაციაშია ნათქვამი, აღნიშნული შემთხვევის ამსახველი ვიდეო სოციალურ ქსელში თავად კვანტალიანმა გაავრცელა.

მმართველი პარტიის შეფასებით, კვანტალიანის მიერ გავრცელებული ვიდეომასალა აღიარებაა, რომ ის „ქართული ოცნების“ კამპანიის ფარგლებში გამართულ შეხვედრაზე მივიდა.

„ავტო-ქარხანაში „ქოცური“ პროპაგანდის შეხვედრის წინააღმდეგ! გადაღების შესაძლებლობა არ მომცეს! 26-ში დაგასრულებთ ქართველი ხალხი!” - წერს დიმიტრი კვანტალიანი “ფეისბუქზე”.