„ქართული ოცნებიდან" აჭარის უმაღლესი საბჭოს დელეგატი ხულოში ვახტანგ ბერიძე, ხულოს მოსახლეობასთან შეხვედრებს აგრძელებს
„ქართული ოცნება - დემოკრატიული საქართველოს" ხულოს დელეგატი, აჭარის უმაღლეს საბჭოში ვახტანგ ბერიძე, ხულოს სოფლების: ღორჯომელაძეების, ღრუტასა და იაკობაძეების მოსახლეობას შეხვდა.
ამის შესახებ ინფორმაციას „ქართული ოცნება - დემოკრატიული საქართველო” ავრცელებს.
მათივე ცნობით, „ქართული ოცნების“ წარმომადგენლებმა მოქალაქეთა მიერ დასმულ შეკითხვებს უპასუხეს და მათ სამომავლო გეგმებთან დაკავშირებით მიაწოდეს ინფორმაცია.
„შეაჯამეს სოფლებში განხორციელებული პროექტები. დელეგატმა 26 ოქტომბრის საპარლამენტო არჩევნების მნიშვნელობაზე გაამახვილა ყურადღება. შეხვედრაზე, ასევე ისაუბრეს მშვიდობიანი განვითარების იმ გზაზე, რასაც საქართველო ბოლო წლების განმავლობაში გადის“, - ნათქვამია გავრცელებულ ინფორმაციაში.
