დღეს სომხური მართლმადიდებელი ეკლესია ჯვართამაღლებას ზეიმობს. აღნიშნულის შესახებ ინფორმაციას რელიგიის საკითხთა სახელმწიფო სააგენტო ავრცელებს.

მათივე ცნობით, ჯვართამაღლება ჯვრისადმი მიძღვნილ დღესასწაულთაგან უმნიშვნელოვანესია, რადგან ტყვეობიდან ჯვრის დაბრუნებისადმია მიძღვნილი. ჯვართამაღლება სომხური ეკლესიის ხუთ ძირითად დღესასწაულთაგანია.

რელიგიის საკითხთა სახელმწიფო სააგენტო ულოცავს სომეხთა სამოციქულო მართლმადიდებელ ეკლესიას, მის საქართველოს ეპარქიასა და მრევლს ჯვართამაღლებას.