უკრაინის საჰაერო თავდაცვის ძალებმა, 15 სექტემბრის ღამეს საზენიტო ბრძოლის შედეგად, “ხ-59“ ტიპის ერთი მართვადი რაკეტა და 10 უპილოტო საფრენი აპარატი ჩამოაგდეს, - ინფორმაციას უკრაინული მედია საჰაერო ძალებზე დაყრდნობით ავრცელებს.

მათივე ინფორმაციით, საოკუპაციო ძალებმა ოდესის ოლქს ოკუპირებული ყირიმიდან „ისკანდერ-მ“ ტიპის ორი ბალისტიკური რაკეტით და ზაპოროჟიეს ტერიტორიიდან “ხ-59“ ტიპის ერთი მართვადი რაკეტით შეუტიეს, ასევე, „შაჰედის“ ტიპის 14 დრონით კურსკიდან და ჩაუდიდან.

საჰაერო თავდაცვა მოქმედებდა დნეპროპეტროვსკის, სუმის, პოლტავასა და ნიკოლაევის ოლქებში.