საქართველოს პარლამენტის თავმჯდომარემ, შალვა პაპუაშვილმა და დიდი ბრიტანეთის ახლად დანიშნულმა ელჩმა, გარეტ უორდმა საქართველოსა და გაერთიანებულ სამეფოს შორის ორმხრივი ურთიერთობები განიხილეს. ინფორმაციას პარლამენტის პრესსამსახური ავრცელებს.

მათივე ცნობით, გარეტ უორდმა საქართველოს ტერიტორიული მთლიანობისა და სუვერენიტეტის, ასევე, ქვეყნის დემოკრატიული და ეკონომიკური განვითარების მტკიცე მხარდაჭერა დააფიქსირა.

„პარლამენტის თავმჯდომარემ და ბრიტანეთის ელჩმა ორმხრივი ურთიერთობების დღის წესრიგი, აგრეთვე, საქართველოში მიმდინარე პროცესები, მიმდინარე წლის ოქტომბერში დაგეგმილი საპარლამენტო არჩევნები და მომავლის გეგმები მიმოიხილეს.

შალვა პაპუაშვილმა გარეტ უორდს ელჩად დანიშვნა მიულოცა და წარმატებული საქმიანობა უსურვა. მხარეებმა მჭიდროდ თანამშრომლობის სურვილი გამოთქვეს,“ - აღნიშნულია ინფორმაციაში.