აშშ-ის სახელმწიფო დეპარტამენტის განცხადებით, ტაივანისთვის 228 მილიონი აშშ დოლარის ღირებულების სხვადასხვა სათადარიგო ნაწილების, მათ შორის ავიაციისთვის განკუთვნილი ნაწილების, შესაძლო მიყიდვა დაამტკიცა.

სათადარიგო ნაწილების დაბრუნება, შეკეთება და გადაზიდვა ამერიკის სამთავრობო მარაგიდან განხორციელდება. სახელმწიფო დეპარტამენტში განმარტავენ, რომ ტაივანის სამხედროებს არ გაუჭირდებათ ამ ტექნიკის შეიარაღებულ ძალებში ათვისება.

ტაივანის არმიაში აცხადებენ, რომ ეს ნაბიჯი ხელს შეუწყობს საბრძოლო მზადყოფნის შენარჩუნებას ჩინეთის მიერ ნაცრისფერ ზონაში შეჭრის ფონზე.

„ჩინელი კომუნისტების რუტინულმა ნაცრისფერ ზონაში შეჭრამ შეზღუდა საწვრთნელი სივრცე და რეაგირების დრო ჩვენს საჰაერო სივრცესა და საზღვაო ზონებში. თვითმფრინავის ნაწილებისა და აქსესუარების დაბრუნება - შეკეთება ხელს შეუწყობს საჰაერო ძალების სხვადასხვა ტიპის თვითმფრინავების აღჭურვილობის საბრძოლო მზადყოფნისა და უსაფრთხოების შენარჩუნებას”, - ნათქვამია განცხადებაში.

აღსანიშნავია, რომ შეერთებული შტატები ტაივანის ყველაზე მნიშვნელოვანი მხარდამჭერი და იარაღის მიმწოდებელია.