სოფელ კარალეთში, სკოლის მიმდებარედ, დასასვენებელი სივრცის მოწყობა გრძელდება.

ამის შესახებ ინფორმაციას გორის მერია ავრცელებს.

მათივე ინფორმაციით, პროექტის მიხედვით მოეწყობა: საბავშვო სივრცე; ბილიკები ბეტონის დეკორატიული ფილებით; კაუჩუკის მოედანი; მოაჯირები; საპარკო ავეჯი; ატრაქციონები; გამწვანება; განათება; სარწყავი სისტემა; ღობე

„სამუშაოები „სამოქალაქო ბიუჯეტი 2024“ - ის ფარგლებში ხორციელდება, რომლის მიზანია მუნიციპალურ პროცესებში მოქალაქეთა ჩართულობის ზრდის ხელშეწყობა და ადგილობრივი ბიუჯეტის მათი ინტერესების გათვალისწინებით განაწილება”, - ნათქვამია ინფორმაციაში.