ყველა მიმართულებით საქართველო უსწრებს აბსოლუტურად ყველა კანდიდატ ქვეყანას , - ამის შესახებ საქართველოს პრემიერმა ირაკლი კობახიძემ ჟურნალისტებთან განაცხადა.

მისივე თქმით, ასეთ პირობებში, როდესაც საქართველოსთან დაკავშირებით მიიღება უსამართლო გადაწყვეტილებები, ეს არის უკიდურესი შეურაცხყოფა.

“ყველა მიმართულებით საქართველო უსწრებს აბსოლუტურად ყველა კანდიდატ ქვეყანას და მთელ რიგ კომპონენტებში საქართველო წინ უსწრებს ევროკავშირის ქვეყნების დიდ ნაწილს - იქნება ეს დემოკრატია, ადამიანის უფლებები, კორუფციის სიმცირე, გამჭვირვალობა, ხელისუფლების ღიაობა ეკონომიკური წინსვლა - ყველა მიმართულებით საქართველო არის გამოკვეთილი, აშკარა ლიდერი.

ასეთ პირობებში, როდესაც საქართველოსთან დაკავშირებით მიიღება უსამართლო გადაწყვეტილებები, როდესაც სანქციები წესდება ომში მონაწილე პოლიციელების მიმართ, რა თქმა უნდა, ეს ყველაფერი არის უკიდურესი შეურაცხყოფა და ეს ყველაფერი არის დეზინფორმაცია. თუ რაიმე არის დეზინფორმაცია, ეს არის სწორედ ასეთი გადაწყვეტილებები სანქციებთან დაკავშირებით, ეს არის უსამართლო განცხადებები, რომელიც ძალიან ხშირად ვრცელდება. მე მოვუწოდებ ყველას, რომ თავი შეიკავონ საქართველოს შესახებ ასე მასშტაბურად დეზინფორმაციის გავრცელებისგან” , - განაცხადა ირაკლი კობახიძემ.